Papa Françesku e ka dënuar vendimin e Kievit për t’i ndaluar organizatat fetare të lidhura me Kishën Ortodokse Ruse. Ai tha para njerëzve në Sheshin e Shën Pjetrit se “nuk mund të bësh keq duke u lutur. Nëse dikush i bën diçka keq popullit të vet, ai është fajtor".
Duke e nënshkruar legjislacionin më 24 gusht, Zelensky nënvizoi atë që e quajti pavarësi shpirtërore të popullit ukrainas, duke thënë se Kisha Ortodokse e Ukrainës (OCU) “sot po ndërmerr hapa drejt çlirimit nga djajtë e Moskës”.
Kjo e fundit, e cila është e lidhur me Kievin, e fitoi pavarësinë nga Patriarkana e Moskës prej Patriarkana Ekumenike e Kostandinopojës në vitin 2019. Kisha Ortodokse Ukrainase e lidhur me Rusinë deklaroi se i prishi marrëdhëniet me Patriarkanën e Moskës më 2023, për shkak të nisjes së pushtimit të Ukrainës nga Rusia në shkurt 2022.
Megjithatë, autoritetet ukrainase e akuzuan atë se kishte ruajtur lidhjet me Moskën. Patriarku Kirill, udhëheqës i Kishës Ortodokse në Rusi, është mbështetës i zëshëm i Presidentit të Rusisë, Vladimir Putin, dhe i luftës kundër Ukrainës. (A2 Televizion)
A2 CNN Livestream
MUND TE LEXONI GJITHASHTU
