Josep Borrell, shefi i politikës së jashtme të Bashkimit Europian, është shprehur se vendet e BE-së do të trajnojnë së paku edhe 15 mijë ushtarë ukrainas deri në fund të këtij viti.
Misioni i Ndihmës së Bashkimit Evropian në Ukrainë, EUMAM, ka nisur rreth dy vite më parë dhe që prej asaj kohe deri më sot janë trajnuar në vendet e BE-së 60 mijë ushtarë ukrainas, shkruan A2 CNN.
Ndërkohë, situata në terren vijon të jetë e vështirë. Ukraina ka shtuar sulmet e saj me rreze të gjatë brenda Rusisë gjatë muajve të fundit, duke lëshuar një sërë dronësh në të njëjtën kohë, drejt objektivave strategjike, disa herë në javë. Objektivat përfshijnë bazat e forcave ajrore, depot e naftës dhe municionit, si dhe qendrat e komandës.
Në anën tjetër, Rusia ka intensifikuar sulmet në Ukrainë, duke shkuar deri në Kiev. Kryeqyteti është përballur me një valë agresive bombardimesh që kanë goditur objektivat energjetike, që kanë lënë pa energji qytetin, shkruan A2.
Në Kharkiv, të paktën 3 persona u vranë, përfshirë edhe një fëmijë, nga sulmet ajrore ruse. Bombat vranë një fëmijë duke luajtur dhe plagosën 3 të tjerë”, ka thënë kryebashkiaku, Igor Terekhov në Telegram. (A2 Televizion)
A2 CNN Livestream
MUND TE LEXONI GJITHASHTU
