Ursula Von Der Leyen siguroi një mandat të ri 5-vjecar, si president e Komisionit Europian, pas një votimi të fshehtë të eurodeputetëve. 65-vjeçarja siguroi mbështetjen e 401 pjesëtarë të parlamentit, gjatë votimit në Strasburg, 41 më shumë nga sa i nevojiteshin.
Në një fjalim para eurodeputetëve në prag të votimit, Von Der leyen shpalosi prioritetet për mandatin e ardhshëm, mes tyre edhe zgjerimin e bllokut. Ajo tha një BE më e fortë dhe më e zgjeruar, i jep Evropës peshë më të madhe në skenën globale. Von Der Leyen përsëriti se procesi i zgjerimit do të mbetet i bazuar në meritat individuale të atyre që duan të bëhen pjesë e BE-së. Von der Leyen ka premtuar se pas rizgjedhjes do ta emërojë një komisioner të përkushtuar për të çuar përpara procesin e zgjerimit.
“Unë besoj se është një detyrë morale, politike dhe gjeo-strategjike që ta kompletojmë bllokun tonë, në përputhje me premtimet që kemi dhënë. Ky nuk do të jetë një rrugëtim i lehtë. Anëtarësimi në BE do të jetë gjithmonë i bazuar në merita dhe secili kandidatdo të vlerësohet në bazë të progresit në përmbushjen e kritereve. Do t’i rrisim përpjekjet për t’i përgatitur vendet kandidate, në veçanti përmes investimeve dhe reformave me planin e rritjes për Ballkanin Perëndimor, dhe mjetet për Ukrainën”.
Pasi u zotua për të mbështetur Ukrainën për sa kohë që të nevojitet në luftën kundër pushtuesit rus, Von Der Leyen tha se do të punonte për fuqizimin e mbrojtjes europiane dhe rritjen e shpenzimeve ushtarake. Ajo theksoi gjithashtu synimin për të përmbur objektivët klimatik, dhe për të luftuar demagogët dhe ekstremistët që duan të shkatërrojnë “mënyrën europiane të jetesës”. (A2 Televizion)
A2 CNN Livestream
MUND TE LEXONI GJITHASHTU
