Europa do të bënte një gabim strategjik nëse do të përpiqej që të ulte çmimet e energjisë me një rikthim te lëndët djegëse fosile ruse. Këtë e konfirmoi presidentja e Komisionit Europian, Ursula von der Leyen, që zbuloi një strategji për kufizimin e rritjes së çmimeve për naftën dhe energjinë.
“Që nga fillimi i këtij konflikti, çmimet e gazit janë rritur me 50% dhe çmimet e naftës janë rritur me 27%. Nëse e përktheni këtë në euro, 10 ditët e luftës u kanë kushtuar tashmë taksapaguesve europianë 3 miliardë euro shtesë në importet e karburanteve fosile. Ky është çmimi i varësisë sonë. Fakti është se ne kemi burime energjie vendase: burime të rinovueshme dhe energji bërthamore. Çmimet e tyre kanë mbetur të njëjta gjatë 10 ditëve të fundit. Megjithatë, në krizat aktuale, disa argumentojnë se duhet ta braktisim strategjinë tonë afatgjatë dhe madje të kthehemi te lëndët djegëse fosile ruse. Ky do të ishte një gabim strategjik. Do të na bënte më të varur, më të prekshëm dhe më të dobët. Është thelbësore që të zvogëlojmë ndikimin e kostos kur gazi përcakton çmimin e energjisë elektrike. Prandaj, po përgatisim mundësi të ndryshme: përdorim më të mirë të marrëveshjeve të blerjes së energjisë dhe kontratave për diferencën, masa të ndihmës shtetërore dhe po shqyrtojmë subvencionimin ose edhe kufizimin e çmimit të gazit.”
(A2 Televizion)
A2 CNN Livestream
MUND TE LEXONI GJITHASHTU
