Zelanda e Re do të ndalojë garat me qen

Zelanda e Re ka njoftuar planet për të ndaluar garat me qen zagar, duke përmendur një shkallë "të papranueshme të lartë" të lëndimeve.

Sipas mediave të huaja, sporti është përballur prej kohësh me kritika në vend, me disa mbarështues të akuzuar për keqtrajtim ose doping të kafshëve.

Qeveria planifikon të mbyllë industrinë gjatë 20 muajve të ardhshëm, për të dhënë kohë për ristrehimin e qenve të garave dhe për njerëzit në industri që të kalojnë në punë të tjera.

Përveç Zelandës së Re, garat komerciale me zagar lejohen në Australi, Irlandë, MB dhe SHBA.

“Pavarësisht progresit të rëndësishëm të bërë nga industria e garave të zagarëve në vitet e fundit, përqindja e qenve që lëndohen mbetet vazhdimisht e lartë dhe ka ardhur koha për të bërë thirrje në interesin më të mirë të kafshëve”, tha në një deklaratë Ministri i Garave, Winston Peters, ditën e martë.

"Ky nuk është një vendim që merret lehtë, por në fund të fundit nxitet nga mbrojtja e mirëqenies së qenve të garave," tha ai. (A2 Televizion)