Zgjedhjet parlamentare në Izrael kanë prodhuar një rezultat të ngushtë, duke lënë të hapur garën për formimin e qeverisë së ardhshme. Benjamin Netanyahu kryeson me bllokun e tij politik, por nuk ka siguruar shumicën parlamentare, ndërsa partitë arabe mund të bëhen vendimtare në negociatat për pushtetin.
Sipas rezultateve paraprake, me 84.5% të votave të numëruara, koalicioni i Netanyahut ka siguruar 54 vende në parlament, ndërsa blloku opozitar i udhëhequr nga Gadi Eisenkot ka 49 vende. Dy partitë kryesore arabe kanë fituar së bashku 17 mandate, duke u kthyer në një faktor kyç për krijimin e shumicës.
Megjithëse Likud i Netanyahut renditet si forca kryesore politike, rezultati nuk i garanton kryeministrit vazhdimin e qeverisjes. Nga ana tjetër, opozita ka mundësinë të bashkojë votat kundër tij, por dallimet mes partive për çështjet e sigurisë dhe bashkëpunimin me forcat arabe e bëjnë të vështirë arritjen e një marrëveshjeje. (A2 Televizion)
A2 CNN Livestream
MUND TE LEXONI GJITHASHTU
