Një zjarr i fuqishëm ka shpërthyer në një hotel në vendpushimin e skive Kartalkaya, në provincën Bolu të Turqisë, duke shkaktuar të paktën 10 viktima dhe 32 të plagosur.
Incidenti ndodhi rreth orës 3:30 të mëngjesit, sipas orës lokale, në restorantin e një hoteli 12-katësh, ku ndodheshin rreth 234 persona.
Pamjet nga mediat lokale, përfshirë TRT, tregojnë flakët që kanë përfshirë çatinë dhe katet e sipërme të hotelit. Ekipet e emergjencës janë në terren duke punuar për të kontrolluar zjarrin dhe për të ofruar ndihmën e nevojshme për viktimat dhe të plagosurit.
Shkaqet e zjarrit ende nuk janë zbuluar, ndërsa hetimet janë në vazhdim për të përcaktuar rrethanat e ngjarjes. Autoritetet po përpiqen të ndihmojnë të prekurit dhe të sigurojnë sigurinë e personave që mund të jenë ende të rrezikuar. (A2 Televizion)
A2 CNN Livestream
MUND TE LEXONI GJITHASHTU
