Aleksandër Vuçiç vijon që të mos pranojë krimet e kryera nga Serbia ndaj Kosovës. Presidenti serb, duke folur për një media zvicerane, konfirmon një ngjarje me vrasjen e mbi 50 civilëve shqiptarë, por atë e përmend si një incident gjatë një aksioni antiterrori.
Nuk është e qartë nëse i referohet Masakrës së Reçakut, por Vuçiç shton se u përdor, sipas tij, si justifikim nga perëndimi për të nisur bombardimet e NATO-s mbi ish jugosllavi. Presidenti serb vazhdon që të besojë një realitet alternativ duke mos marrë në konsideratë anën humanitare, teksa sulmon fuqitë e mëdha se me sulmet shkelën ligjin ndërkombëtar.
“Kur thonë se parandaluan një katastrofë humanitare në Kosovë, kjo shërben si justifikim që të tjerët t’i quajnë veprimet e tyre ‘ndërhyrje humanitare’”, pretendoi ai, teksa më pas sulmoi dhe Rusinë por duke e fshehur me një lloj vlerësimi.
“Kjo është një politikë e zgjuar e udhëheqjes ruse. Do të bëja të njëjtën gjë po të isha në vendin e tyre. Nuk është e mirë për ne, por është mirë për ta. Çfarë mund tu thoni? Se bombardimi i Serbisë ishte i ligjshëm? por nuk ishte dhe ata e dinë këtë. Perëndimi dëshiron që të shmangë çdo bisedë për këtë... Kur thonë se parandaluan një katastrofe humanitare në Kosovë, i njëjti justifikim u përdor edhe në Donetsk dhe Lugansk. Kështu që unë pyes miqtë e mi në perëndim se çfarë bëtë në 1999? A do ta përkrahni më shumë të drejtën ndërkombëtare apo jo?”, tha Aleksandër Vuçiç.
Vuçiç vazhdoi më tej me propagandën e tij duke pretenduar se propozimet në Rambuje ishin të papranueshme dhe se ishin bërë qëllimisht në atë mënyrë që Serbia t’i refuzonte. (A2 Televizion)
A2 CNN Livestream
MUND TE LEXONI GJITHASHTU
