Deklarata e presidentit Serb Aleksandër Vuçiç se Kroacia dhe Shqipëria kanë hapur një garw armatimesh, ka nxitur reagimin e kryeministrit kroat Andrej Pllenkovic. Në një prononcim para samitit ta mbajtur në Bruksel, Pllenkovic tha se e kupton që Serbia po përpiqet të krijojë probleme diku tjetër, por se ato nuk gjenden në memorandumin e bashkëpunimit i nënshkruar rishtazi mes Kosovës, Shqipërisë dhe Kroacisë.
"Ky është një memorandum për bashkëpunim të përbashkët, nuk ka asnjë karakter armiqësor. E kuptoj që tani po kërkohen probleme diku tjetër, por në këtë tekst ato nuk ekzistojnë", tha Pllenkoviç duke iu përgjigjur pyetjeve për deklaratën e presidentit serb, Vuçiç.
Kryeministri kroat theksoi gjithashtu se liderët e BE duhet t'i kushtojnë më shumë vëmendje mungesës së stabilitetit në Ballkanin Perëndimor, posaçërisht në Bosnje e Hercegovinë dhe Serbi..
"Ka kaq shumë ngjarje globale për momentin, por është koha që një pjesë e vëmendjes të fokusohet edhe në një rajon që është treguar shumë i ndezshëm gjatë 35 vjetëve të fundit", ishin fjalët e Pllenkovic. (A2 Televizion)
A2 CNN Livestream
MUND TE LEXONI GJITHASHTU
