Ura e Ibrit, puna vijon për rivitalizimin, qytetarët kërkojnë hapjen

Qytetarët duan që ura të hapet për automjetet madje thonë se nuk ka asnjë arsye pse duhet të ketë tensione.

Ura vlerësohet të jetë e qëndrueshme për qarkullim edhe për faktin se ka mbi çerekshekulli që është mbyllur për automjete. Edhe në aspektin e lidhjes së qytetit shihet si arterie kryesore për lëvizjen e makinave.

“Nëse e shohim hartën dhe zhvillimin e qytetit të Mitrovicës, ura e Ibrit është arterie kryesore që lidh dy anët e qytetit në aspektin e qarkullimit. Nuk e di pse po politizohet”, shprehet eksperti Baxhuku.

Qeveria këmbëngul se ura do të hapet por nuk ka një datë se kur do të ndodhë.

“Kur hapet ura unë nuk e di, por unë mund ta prezantoj raportin sepse detyra ime ka qenë që ta implementojmë një kontratë, e cila ka të bëjë me përcaktimin e stabilitetit të urës mbi lumin Ibër”, tha zv.ministri Durmishi.

Ndërkombëtarët në krye me Shtetet e Bashkuara vijojnë të kundërshtojnë hapjen e urës me arsyetimin se mund të nxisë tensione të reja në veri. (A2 Televizion)