Presidentja e Republikës së Kosovës, Vjosa Osmani ka zhvilluar një vizitë në Kolumbi.
Osmani u prit me nderime të larta ushtarake në Pallatin Presidencial në Bogota, nga Presidenti i Kolumbisë, Gustavo Petro.
Përmes një reagimi, Osmani ka thënë se në takim diskutuan për mundësitë e bashkëpunimit në fusha të ndryshme si siguria, turizmi, ekonomia e kultura, si dhe për fuqizimin e Kosovës në arenën ndërkombëtare.
Presidentja Osmani ka shkruar: “Kolumbia shfaqi një respekt të veçantë dhe dashamirësi për Kosovën dhe qytetarët tanë gjatë vizitës sime zyrtare në këtë shtet, që është gjithashtu vizita e parë e një kreu shteti nga Kosova në Kolumbi.
Diskutuam për mundësitë e bashkëpunimit në fusha të ndryshme si siguria, turizmi, ekonomia e kultura, si dhe për fuqizimin e Kosovës në arenën ndërkombëtare.
Mirënjohëse pafund për mbështetjen për Kosovën!”
(A2 Televizion)
A2 CNN Livestream
MUND TE LEXONI GJITHASHTU
