Ministria e Punëve të Jashtme dhe Diasporës në Kosovë e ka dënuar si arbitrar arrestimin e një shtetasi kosovar nga autoritetet serbe të shtunën, duke thënë se i ka kërkuar bashkësisë ndërkombëtare të ndihmojë në lirimin e tij të menjëhershëm.
Në një komunikatë për media, ministria bëri të ditur se Zyra Ndërlidhëse e Kosovës në Serbi u njoftua të shtunën për arrestimin e Tefik Mustafës në pikëkalimin kufitar Merdarë, për krime të pretenduara të luftës ndaj popullsisë joshqiptare.
Ministria e Jashtme tha se e dënon “ashpër ndalimin, arrestimin dhe keqtrajtimin e qytetarëve të Republikës së Kosovës dhe, njëkohësisht, i bën thirrje bashkësisë ndërkombëtare të ndërmarrë hapa konkret për lirimin e menjëhershëm të qytetarit”.
Ajo kërkon që shteti serb të mbahet përgjegjës “për këto veprime arbitrare dhe destruktive, të cilat bien ndesh me konventat ndërkombëtare për të drejtat e njeriut”.
Për arrestimin e Mustafës, Ministria e Punëve të Jashtme tha se ka njoftuar menjëherë vendet e QUINT-it në Kosovë dhe misionet diplomatike të Shteteve të Bashkuara dhe Britanisë së Madhe. (A2 Televizion)
A2 CNN Livestream
MUND TE LEXONI GJITHASHTU
