Ekspertët dhe analistët në Kosovë mirëpresin vendimin e asamblesë parlamentare të NATO-s për të avancuar statusin e Kosovës, si anëtare e asociuar. Ata thonë se kjo I shërben jo vetëm sigurisë në vend por edhe asaj rajonale, ndërsa i bëjnë thirrje autoriteteve të ndërmarrin më shumë hapa për të qenë pranë NATO.
"Lufta dhe propaganda e Serbisë mori një përgjigje, të merituar me vendimin e Asamblesë së përgjithshme të NATO-s, që e çon më pranë anëtarësimit të plotë”. Kështu thotë nënkryetari i komisionit të sigurisë në Kuvendin e Kosovës Enver Dugolli në një prononcim për A2 CNN.
Kurse analisti politik Gazmir Raci e vë theksin tek rëndësia e një hapi të tillë tek siguria e Kosovës dhe ajo rajonale, ndërsa i kërkon autoriteteve të shfrytëzojnë momentumin gjatë këtij viti për të qenë sa më pranë NATO-s.
Anëtarët e asociuar, në këtë rast edhe Kosova, mund të paraqesin dhe të kërkojnë ndryshime në rezolutat e Asamblesë së Përgjithshme të NATO-s. Veç kësaj, shtetet me këtë status, mund të shërbejnë si raportues specialë në komitete, për të paraqitur perspektivat e tyre në raportet me NATO. Mirëpo ato nuk kanë të drejtë të votojnë për raportet, rezolutat apo udhëheqjen e Asamblesë së Përgjithshme dhe as nuk kontribuojnë në buxhetin e saj. (A2 Televizion)
A2 CNN Livestream
MUND TE LEXONI GJITHASHTU
