Presidentja e Kosovës, Vjosa Osmani në kuadër të vizitës zyrtare në SHBA dhe pjesëmarrjes në Asamblenë e Përgjithshme të OKB-së, ka zhvilluar një takim me përfaqësuesen e Lartë të BE-së, Kaja Kallas.
Në takim palët kanë diskutuar mbi zhvillimet e fundit në Kosovë dhe në rajon.
“Në New York, takova përfaqësuesen e Lartë të BE-së, Kaja Kallas, me të cilën diskutuam mbi zhvillimet e fundit në Kosovë dhe në rajon. Integrimi i Kosovës në BE mbetet ndër prioritetet tona kryesore shtetërore”, shkruan Osmani.
Kryetarja e Shtetit edhe njëherë ka kërkuar nga drejtuesit e lartë të BE-së heqjen e sanksioneve ndaj Kosovës.
“Në këtë frymë, ritheksova domosdoshmërinë e heqjes së masave të padrejta të BE-së ndaj Kosovës, të cilat po i dëmtojnë të gjithë qytetarët tanë, pa përjashtim. Kosova mbetet e vendosur për paqe dhe stabilitet afatgjatë”, bën me dije Osmani. (A2 Televizion)
A2 CNN Livestream
MUND TE LEXONI GJITHASHTU
