Rreziku i humbjes së trashëgimtarëve për dije bërjen e xhubletës, por edhe të plisit në ditët që jetojmë është i madh. Gjithnjë e më shumë interesi nga institucionet e kulturës dhe të rinjtë është zbehet. Dijebërësit shqiptarë ngrenë alarmin.
Edhe pse xhubleta tashmë është pjesë e UNESCO, pakkush vijon ta dojë t’i mësojë sekretet e realizimit të saj. Duke parë këtë rrezik, Shkodra është bërë me një hapësirë të re kushtuar ruajtjes dhe promovimit të trashëgimisë kulturore shqiptare.
Akademia e Artit Burimor që e vendos edhe plisin mes pasurive, ka hapur dyert përtë mësuar, por edhe për aktivitete. Dijeberësja File Kola u shpreh se mjeshtëria dhe tradita kanë nevojë për përkrahje, pasi rrezikojnë të humbasin në mungesë të trashëgimtarëve.
Rita Shkurtaj e cila është iniciatore e hapjes së akademisë “Plisi dhe Xhubleta” thotë se kujdesi dhe trashëgimia tek të rinjtë janë të rëndësishme sepse po kërcënohen të zhduken nga zhvillimet e reja të teknologjisë.
Ndërsa lahutari Pretash Nikaj vuri theksin te nevoja që kjo akademi t'i kushtojë vëmendje edhe lahutës, si një tjetër element i rëndësishëm i trashëgimisë kulturore që duhet përcjellë ndër brezat e ardhshëm.
Akademia “Plisi & Xhubleta” i dedikohet ruajtjes, promovimit, kultivimit dhe trashëgimisë së pasurive më të çmuara etnokulturore shqiptare, ku një vend të veçantë zënë këto element të trashëgimisë të mbrojtura nga UNESCO. (A2 Televizion)
A2 CNN Livestream
MUND TE LEXONI GJITHASHTU
