Një ditë para shpalljes së listës së tre kandidatëve për kryeprokuror, kreu i KLP Gent Ibrahimi raportoi në Komisionin e Monitorimit për organet e reja të drejtësisë, ku foli edhe për vonesat për ngritjen e SPAK. Shkak sipas tij është vettingu, ndërsa ritheksoi se SPAK duhet të ngrihet edhe me më pak se 10 anëtarë.
“Unë e di që shpesh herë më është dashur të jap afate, por kjo është e vështirë duke patur parasysh që afati final bazohet në disa faktorë, nga ne, vettingu, si dhe nga ankimet e kandidateve, dhe këto dy të fundit nuk varen nga ne”, deklaroi Ibrahimi.
Sipas kreut të KLP-së, “ne kemi kryer punën tonë, me renditjen e bërë publike. Ditën e enjte fillon faza e dytë, vlerësimi i meritave profesionale të kandidateve, dhe pikëzimi i tyre. Mendojmë që procesi të përfundojë brenda muajit tetor, pa parashikuar këtu procesin e ankimimit të kandidatëve, që do të shtyjë procesin me 10 dite të tjera”. (A2 Televizion)
A2 CNN Livestream
MUND TE LEXONI GJITHASHTU
