Rihapja e kufijve, evropianët vërshojnë në plazhe me avionë dhe trena

Evropianët vërshuan drejt destinacioneve turistike pas rihapjes së kufijve për një sërë shtetesh. Turistë të shumtë udhëtuan drejt ishujve të Greqisë, pasi aeroportet rajonale kthyen fluturimet ndërkombëtare me 1 korrik. Pritja që iu bë pasagjerëve ishte tepër speciale, ku përfshihej muzikë tradicionale, valltarë dhe tapet i kuq. Ndërkohë, me vendimin e fundit të Brukselit, shqiptarët nuk mund të udhëtojnë për në vendet e Bllokut të paktën për 14 ditët e ardhshme, kur rishikohet lista me shtetet e sigurta. Izolimi erdhi pas përkeqësimit të situatës epidemiologjike. Rekomandimi i Këshillit Europian nuk është detyrues e mbetet në dorë të shteteve anëtare ta implementojnë ose jo atë, e megjithatë askush nuk është i gatshëm të rrezikojë, edhe nëse kjo do të nënkuptonte shpëtim të industrisë së turizmit. (A2 Televizion)