Ndonëse shifrat e infektimeve nga koronavirusi janë stabilizuar prej muajsh, një tjetër person ka humbur jetën në vendin tonë si pasojë e virusit vdekjeprurës.
Sipas të dhënave nga Ministria e Shëndetësisë viktima është një 67 vjeçar nga qyteti i Sarandës.
Pas 303 testimeve të kryera gjatë 24 orëve të fundit kanë rezultuar 7 persona të infektuar me koronavirus, ndërkohë që të shëruarit janë 6.
Ajo që bie në sy në buletinin e ministrisë është se tashmë në 6 qarqe të vendit nuk ka asnjë të infektuar me koronavirus, ndërkohë që numrin më të madh të rasteve aktive e mban Tirana me 136 nga 154 në total.
Njoftimi i Ministrisë së Shëndetësisë
Ministria e Shëndetësisë dhe Mbrojtes Sociale i bën thirrje qytetarëve të mos neglizhojnë vaksinimin anticovid dhe vaksinimin kundër gripit, për të forcuar mbrojtjen ndaj viruseve gjatë sezonit të dimrit.
Vaksinimi anticovid dhe i gripit kryhet në qendrat shëndetësore në të gjithë vendin. Vaksinat reduktojnë mundësinë e infektimit dhe shmangin në shkallë të lartë hospitalizimet dhe fatalitetet.
Ju informojmë për situatën e Covid19 në 24 orët e fundit: Janë kryer 303 testime, nga të cilët 7 qytetarë ka rezultuar pozitivë me COVID19:
5 në Tiranë, nga 1 qytetarë në Durrës, Vlorë.
Janë 154 qytetarë aktivë me Covid19 në të gjithë vendin.
Aktualisht në Spitalin Infektiv po marrin trajtim 4 pacientë. Në 24 orët e fundit ka 1 humbje jete me SarsCov2, një qytetar 67 vjeç, nga Saranda.
Janë shëruar 6 qytetarë gjatë 24 orëve të fundit, duke e çuar numrin e të shëruarve në 329,961 që nga fillimi i epidemisë.
Statistika ( 18 Mars 2023)
Raste të reja ditore 7
Të shëruar në 24 orë 6
Të shtruar në spitale 4
Humbje jete në 24 orë 1
Testime ditore 303
Testime totale 2,045,552
Raste pozitive 333,716
Raste të shëruara 329,961
Raste Aktive 154
Humbje jete 3,601
Shpërndarja gjeografike e rasteve aktive sipas qarqeve:
Tiranë 136
Berat. 7
Fier 5
Vlorë 3
Durrës. 2
Shkodër. 1 (A2 Televizion)
A2 CNN Livestream
MUND TE LEXONI GJITHASHTU
