Komisioni i Ekonomisë ka votuar unanimisht pro aktit normativ që hedh bazat për menaxhimin e situatës në rastet e fatkeqësive natyrore.
Përmes këtij drafti të kaluar me urgjencë në Kuvend dhe që do të votohet në seancën plenare të ditës së mërkurë, përcaktohen detyrat e çdo institucioni shtetëror në funksion të rindërtimit.
Ndër të tjera, akti përcakton kategoritë që kanë përparësi në përfitimin nga programi i rindërtimit: si familjet që kanë humbur familjarë nga fatkeqësia natyrore, familjet njëprindërore, familjet që kanë në përbërje persona me aftësi të kufizuar, të moshuarit, familjet në skemën e ndihmës ekonomike dhe familjet e të rënëve në krye të detyrës.
Komisioni miratoi njëzëri edhe aktin normativ për bonusin e qirasë për të prekurit e tërmetit të 26 nëntorit. Bonusi për këto familje do të zgjasë për një periudhë 1-vjeçare, ndërsa fondi nga buxheti për këtë zë arrin në rreth 2 miliardë lekë.
(A2 Televizion)
A2 CNN Livestream
MUND TE LEXONI GJITHASHTU
