Ish-ministri i Financave, Arben Ahmetaj, ka propozuar lehtësi të reja për programin e rindërtimit, i cili do të nisë zbatimin nga 1 janari i vitit të ardhshëm.
Ahmetaj ka kërkuar nga Ministria e Financave që të përfshijë në paketën e rindërtimit heqjen e TVSH-së për lëndët e para të importit që përdoren në ndërtim, si dhe heqjen e taksës së infrastrukturës.
“I rakorduar edhe me qeverinë, unë do të fusë edhe disa ndryshime dhe një nismë që ka të bëjë me TVSH-në për heqjen e saj në import për lëndën e parë në ndërtim. Procesi i ndërtimit të banesave brenda programit të rindërtimit dhe heqja e taksës së infrastrukturës brenda programit të rindërtimit”, tha Ahmetaj.
Ndërkohë, Komisioni i Ekonomisë ka miratuar propozimin e Arben Ahmetaj për rivlerësimin e banesave, me 2%, nga 3% që ishte nisma e sjellë në Kuvend.
Janë rreth 50 mijë pasuri të paluajtshme që pritet të shfrytëzojnë uljen e tatimit nga 15% në 2% për rivlerësimin e banesave. Procesi pritet të nisë nga janari e të zgjasë deri në 30 gusht, duke gjeneruar për arkën e shtetit rreth 4 miliardë lekë. (A2 Televizion)
A2 CNN Livestream
MUND TE LEXONI GJITHASHTU
