Ato janë tre gazetare të një televizioni informativ. I duhet të ndajnë dilemat, censurën, vetëpërmbajtjen dhe gjithë jetën e tyre me ngjarjet e një vendi ku gëlon korrupsioni dhe pushteti nuk ka respekt për gazetarin.
Pushteti i katërt dhe zëri i tre gazetareve është kthyer në misionin e Robert Budinës, që e përkthen atë në kinema përmes serialit “Katrori i pushtetit”.
Seriali është prezantuar në kinema Millenium, përmes dy serive të para, por bisedat për t’u përcjellë në ekran vijojnë ende, në mënyrë që ky mision i Budinës të përqafojë edhe më shumë shoqërinë tonë, një mision në fakt që duket se e kanë përqafuar dhe shijuar edhe heroinat e këtij seriali.
Arti që shpeshherë vjen si një revoltë për të ndryshuar shoqërinë është revolta e regjisorit që pushtetin e katërt, median, e do shumë. Përmes serialit “Katrori i pushtetit”, ai bëhet bashkë me gazetarët.
“Katrori i pushtetit” ka deri më tani 8 seri të përfunduara që jehojnë fort për lirinë e medias, për censurën, presionin, politikën, korrupsionin dhe sfidat e një profesioni që ndihmon shoqërinë të thotë fjalën e saj. (A2 Televizion)
A2 CNN Livestream
MUND TE LEXONI GJITHASHTU
