Pas pushimeve të kësaj vere të pazakontë, Cristiano Ronaldo i është rikthyer stërvitjes në prag të ndeshjeve të Ligës së Kombeve me Portugalinë, ndërsa e dashura e tij Georgina Rodriguez ka zbarkuar në Venecia, atje ku ka nisur edicioni i 77 i Festivalit të Filmit.
26-vjeçarja, e veshur e gjitha me të bardha, ka tërhequr vëmendjen në Lido, ishulli në lagunën veneciane ku zhvillohet tradicionalisht festivali më i vjetër i filmit në botë.
Edicioni i 77 i Festivalit të filmit në Venecia u bë i pari aktivitet i këtij lloji që çeli siparin fizikisht që prej shpërthimit të krizës së koronavirusit. Maskat dhe distanca sociale ishin lajtmotivi i tapetit të kuq të këtij viti, ndërsa Italia kërkon zbatimin e një protokolli strikt mes rritjes së rasteve me koronavirus. (A2 Televizion)
A2 CNN Livestream
MUND TE LEXONI GJITHASHTU
