Në kundërpërgjigje të masave të vendosura ndaj 6 qytetarëve rusë, Kremlini zyrtar vendosi të sanksionojë presidentin e Parlamentit Europian, David Sassoli dhe 7 zyrtarë të tjerë europianë, duke iu ndaluar hyrjen në vend.
Lajmi u dha nga Ministria e Jashtme ruse dhe u publikua dhe në agjencinë zyrtarë Ria Novosti.
Përveç Sassolit, Rusia i ndaloi hyrjen në vend dhe zv/presidentes së Komisionit Europian, Vera Jourova, përgjegjëse për politikat për vlerat dhe transparencat si dhe Jorg Raupach, shef në zyrën e prokurorit të përgjithshëm në Berlin.
Në njoftim mësohet se personat e tjerë të sanksionuar janë Ivar Abolins, kreu i Këshillit Kombëtar të Masmedias në Leton, Maris Baltins, drejtor i qendrës linguistike në Letoni, Jacques Maire, anëtar i delegacionit francez në Asamblenë Parlamentare të Këshillit Europianë, Ana Skot shefe e laboratorit të sigurisë bërthamore në Suedi dhe Ilmar Tomusk, drejtues i departamentit linguistik në Estoni. (A2 Televizion)
A2 CNN Livestream
MUND TE LEXONI GJITHASHTU
