Samiti i G20 në Indi, Putin anulon pjesëmarrjen, shkak agjenda e ngjeshur

Nga A2 CNN
29 Gusht 2023, 08:15 | Bota
Samiti i G20 në Indi, Putin anulon pjesëmarrjen, shkak agjenda e

Presidenti rus Vladimir Putin njoftoi kryeministrin e Indisë, Narendra Modi, se nuk do të marrë pjesë në samitin e G20. India organizon samitin e këtij viti, që do të mbahet në Delhi më 9 dhe 10 shtator. Putin i tha kryeministrit indian se në vend të tij, në Delhi do të udhëtojë ministri i Jashtëm rus, Sergei Lavrov.

Gjatë telefonatës, dy liderët diskutuan për disa shqetësime rajonale e globale, që do të diskutohen po ashtu në samitin e G20. Sipas konfirmimit të Kremlinit, edhe pse më herët pritej që Putin të udhëtonte drejt Indisë, vizita atje është e pamundur për shkak të agjendës së ngjeshur të presidentit rus.

G20 përfshin 19 shtetet më të pasura të botës, plus Bashkimin Europian. Këtë vit, presidencës e G20 e mban India, kryesim i cili vit pas viti i shkon një vendi anëtar të saj. Çështje kryesore e diskutimit këtë vit pritet të jetë pushtimi rus i Ukrainës, me presidentin amerikan, Joe Biden, apo kryeministrin britanik, Rishi Sunak, që do të jenë prezentë në Delhi. (A2 Televizion)

A2 CNN Livestream

Latest Videos