Një tjetër anije me emigrantë është mbytur, duke u marrë jetën 4 fëmijëve. Anija me emigrantë u mbyt rreth orës 06:00, në ujërat territoriale turke Lesbos. Viktimat mësohet se janë 1 djalë 7-8 vjeç, 3 vajza (14 vjeç, 8 vjeç e 11 muajshe). Në total në varkë gjendeshin 22 persona.
Referuar asaj që shkruajnë mediat vendase, Ministria e Transportit tha se skafi është pikasur në kohë në ujërat territoriale turke nga roja bregdetare dhe menjëherë iu është bërë thirrje për të ndalur, por nuk ka reaguar.
Rrjetet e kontrabandistëve dhe bashkëpunëtorëve të tyre në Turqi dhe Greqi, përballë fitimit, vazhdojnë të rrezikojnë jetën e njerëzve të pafajshëm, madje edhe të fëmijëve. Për fat të keq, dëshira për një jetë më të mirë, për disa emigrantë shndërrohet në fatkeqësi. (A2 Televizion)
A2 CNN Livestream
MUND TE LEXONI GJITHASHTU
