Tensionet për targat, Kosova shtyn me 48 orë afatin për gjobat me kërkesë të SHBA  

Shtetet e Bashkuara të Amerikës janë shprehur të shqetësuara që liderët e Kosovës dhe Serbisë nuk arritën një marrëveshje. Pas dështimit të bisedimeve në Bruksel mes kryeministrit Albin Kurti dhe presidentit të Serbisë, Aleksandër Vuçiç, për çështjen e targave, ka ardhur edhe reagimi i ambasadës së SHBA-së në Kosovë. Nëpërmjet një deklarate në Twitter ambasadori Jeff Hovenier, i kërkon Kosovës që të shtyjë me 48 orë vendosjen e gjobave për targat e paligjshme, derisa BE-ja dhe SHBA-ja të angazhohen më tej me palët për të gjetur një zgjidhje.

“Shtetet e Bashkuara të Amerikës janë të shqetësuar që liderët e Kosovës dhe Serbisë nuk arritën një marrëveshje për zgjidhjen e krizës në Kosovë. Ne i kemi kërkuar qeverisë së Kosovës të shtyjë me 48 orë vendosjen e gjobave për të lejuar BE-në dhe SHBA-në të angazhohen më tej me palët për të gjetur një zgjidhje”.

Kryeministri Kurti ka pranuar kërkesën e ambasadorit Hovenier, duke shtyrë me 48 orë vendosjen e gjobave për targat e paligjshme.

“Falënderoj ambasadorin Hovenier për angazhimin dhe angazhimin e tij. E pranoj kërkesën e tij për shtyrje prej 48 orësh për vendosjen e gjobave për targat e paligjshme KM (dhe të tjera). Jam i lumtur që do të punoj me SHBA-në dhe BE-në për të gjetur një zgjidhje gjatë dy ditëve të ardhshme”, shkruan Kurti. (A2 Televizion)