Një strukturë e ndërtuar mbi një pus të vjetër tempulli në Indi u shemb të enjten, ndërsa një turmë e madhe besimtarësh po luteshin në një festival për Ramën, një nga hyjnitë hindu më të adhuruar.
Të paktën 35 persona kanë humbur jetën dhe 16 të tjerë u plagosën pasi çatia e tempullit hindu u shemb në Indinë qendrore.
“Ne kemi shpëtuar 18 persona, 35 janë gjetur të vdekur dhe 16 janë plagosur”, tha Ilayaraja T, një zyrtar i lartë i qeverisë lokale, për Reuters.
Të paktën 75 personel të ushtrisë dhe shpëtimit punuan gjatë ditës për të hequr mbeturinat, duke përdorur litarë dhe shkallë për të nxjerrë trupat e viktimave.
Autoritetet e tempullit e kishin ndaluar përdorimin e pusit vite më parë dhe e kishin mbuluar me strukturë.
Shembjet e ndërtesave janë të zakonshme në Indi për shkak të ndërtimit të dobët dhe mosrespektimit të rregullave. (A2 Televizion)
A2 CNN Livestream
MUND TE LEXONI GJITHASHTU
