Ministri i Brendshëm, Taulant Balla zhvilloi një vizitë në Bashkinë e Tropojës, ku u prit nga i zgjedhuri lokal, Rexh Byberi si dhe drejtues të institucioneve vendore.
Balla bisedoi me zyrtarët lokalë për sfidat e përbashkëta dhe ambicien e qeverisë për ta shndërruar Tropojën në një destinacion shumë të rëndësishëm turistik.
Ministri Balla theksoi se në Tropojë gjatë viteve të fundit është investuar më shumë se të gjitha qeveritë e tjera të marra së bashku.
"Vëmendja e qeverisë ka qenë e lartë. Janë financuar një sërë projektesh, dhe do të vazhdojë të jetë mbështetja e Kryeministrit Edi Rama dhe e qeverisë për ta shndërruar Tropojën në një destinacion të rëndësishëm. Dy javë nga mbyllja e vitit 2023, numri i turistëve në Tropojë po i afrohet 200.000 vizitorë. Lidhja përmes bjeshkëve me Malin e Zi dhe nga ana tjetër, hapja e pikës së kalimit kufitar do ta rriste ndjeshëm numrin e turistëve në Tropojë", tha Balla. (A2 Televizion)
A2 CNN Livestream
MUND TE LEXONI GJITHASHTU
