Çadra të kthyera përmbys që kanë përfunduar deri në rrugën kryesore, shezlong të shkatërruar totalisht, por edhe beach bare e restorantet që kanë përfunduar në bregdet të dëmtuara. Kjo është pamja që sjell A2 CNN në orët e para të mëngjesit, përgjatë aksit rrugor dhe në bregdet e rrugës nacionale Vlorë-Radhimë-Orikum pas stuhisë që dje preku Vlorën.
Si pasojë e erës së fortë dhe motit të përkeqësuar dje në mbrëmje në Vlorë ka patur dëmtime të tilla në biznese, në hapësirat e plazheve në çadrat që nuk janë larguar prej andej por edhe në pjesën e fasadave apo edhe pemë.
Mëngjesi i sotëm situatën e ka gjetur të normalizuar. Shiu ka pushur dhe intensiteti i erës ka rënë. Në Vlorë ka dalë dielli dhe njerëzit po i rikthehen plazhi. Përmbytja e djeshme fatmirësisht ka kaluar pa dëme të mëdha në banesa, biznese apo rrezik për banorët.
Reshjet e shiut kanë fikur edhe zjarrin e rënë në fshatin Vajzë të Selenicës.
(A2 Televizion)
A2 CNN Livestream
MUND TE LEXONI GJITHASHTU
