Turistë nga liqeni e deri te kanionet dhe shpellat e Gramshit

Me resurse natyrore të veçanta dhe mjaft piktoreske, që nga liqeni e deri te kanionet dhe shpellat Gramshi po përgatitet për një tjetër sezon turistik.

Shifra prej 120 mijë turistë që e vizituan këtë bashki, vitin e kaluar, pritet që këtë sezon të jetë shumë herë më e lartë. Drejtori i turizmit në bashkinë e Gramshit rendit disa nga destinacionet turistike natyrore me interes për vizitorët.

Por përveç bukurive, drejtori i turizmit në Gramsh apelon edhe për kujdes për vizitorët veçanërisht në kanionet e Holtës, ku vizitorët duhet të kenë informacione mbi motin, ndërsa bashkia do të vendosë një person që do t’i orientojë.

Këtë vit, Gramshi ka një numër akoma më të lartë të shtretërve akomodues për vizitorët që duan të qëndrojnë, ndërsa bujtinat dhe restorantet ofrojnë ushqime bio. (A2 Televizion)