Një zjarr i papritur ka rënë mbrëmjen e sotme rreth orës 19:00 në një sipërfaqe me shkurre dhe pemë në afërsi të banesave në fshatin Kodër Lumë, në njësinë administrative Shtiqën.
Falë njoftimit të shpejtë nga banorët dhe reagimit të menjëhershëm të shërbimit zjarrfikës, flakët janë shuar në kohë reale, duke shmangur rrezikun për përhapje të mëtejshme dhe dëme në banesat pranë.
Sipas burimeve nga vendngjarja, zjarri përfshiu një hapësirë me bimësi të thatë, por për fat të mirë nuk arriti të depërtojë drejt zonës së banuar, falë ndërhyrjes së menjëhershme të forcave zjarrfikëse nga Kukësi.
“Zjarrfikësit kanë mbërritur në kohë rekord dhe kanë ndërhyrë me efikasitet të plotë. Situata u vu nën kontroll brenda pak minutash," thanë disa banorë të zonës, të cilët ndoqën nga afër operacionin.
Aktualisht nuk raportohet për dëme materiale apo të lënduar. Autoritetet po punojnë për të përcaktuar shkakun e zjarrit, ndërsa nuk përjashtohet mundësia e një zjarrvënieje të qëllimshme ose pakujdesie. (A2 Televizion)
A2 CNN Livestream
MUND TE LEXONI GJITHASHTU
