Sektori i turizmit dhe hotelerisë në Gjirokastër po vuan nga mungesa e stafit të kualifikuar. Pamundësia për të paguar pagat bën që punonjësit të largohen drejt vendeve të tjera, ku sigurojnë të ardhura më të qëndrueshme gjatë gjithë vitit.
Sipas kreut të Dhomës së Tregtisë dhe Industrisë në Gjirokastër, Maksi Hoxha, duhet patjetër ndërhyrja e shtetit. “Që, ashtu siç e kanë vendet e rajonit, punonjësit e turizmit të kenë një subvencionim në periudhën jashtë sezonit”, thotë Hoxha për A2 CNN. “Sepse në këtë mënyrë ai do të jetë i siguruar, do të ketë kohë edhe për ta trajnuar. Kjo duhet pasur parasysh”.
Nga ana tjetër, edhe pse në shkollën profesionale “Thoma Papapano” është hapur dega e hoteleri-turizmit si ndihmë për bizneset, interesimi për regjistrime mbetet i ulët, thotë drejtore Renata Puleri.
Turizmi në Gjirokastër shihet si motor i ekonomisë, por mungesa e stafit profesional bën që cilësia e shërbimit të mos jetë në nivelin e duhur dhe rajoni jugor të mos tërheqë ende vizitorë elitë. (A2 Televizion)
A2 CNN Livestream
MUND TE LEXONI GJITHASHTU
