Në ditën e dytë të konferencës së ambasadorëve me temë “Prioritetet ekonomike të Shqipërisë dhe projektet kyçe”, zv/kryeministrja Belinda Balluku zbuloi planin për një investim madhor për prodhimin e energjisë së gjelbër, në zonën e Tropojës.
“Në muajt në vijim po përgatitemi për një nga projektet më të mëdha në Evropë të prodhimin energjetik eolik, për parkun e erës të vendosur në zonën e Tropojës, që ka nisur të gjitha procedurat e autorizimeve, e financuar nga një nga kompanitë më të mëdha amerikane”, zbuloi Balluku.
Më tej ministrja e Infrastrukturës dhe Energjisë tha se “kjo vepër do t’i shtojë kurorës tonë energjetike një tjetër komponent të gjelbër”.
“Shqipëria sot është duke punuar për të diversifikuar një portofol të disa burimeve të gjelbra”, nënvizoi Balluku.
Sipas saj edhe pse vendi ynë e ka bazuar prodhimin e energjisë në burime hidro, në 6 vite është arritur të ngrihet 30% kapacitet prodhues bazuar në një burim të ri energjetik, siç është dielli, përmes paneleve dhe parqeve fotovoltaike. (A2 Televizion)
A2 CNN Livestream
MUND TE LEXONI GJITHASHTU
