Dhoma Kombëtare e Avokatisë ka vendosur të bojkotojë për 3 ditë seancat gjyqësore, duke filluar nga nesër, si shenjë proteste ndaj dhunës së ushtruar ndaj avokatit Sokol Mëngjesi, i cili u dhunua me sende të forta nga 4 persona, disa ditë më parë, dhe prej asaj kohe ndodhet në koma.
Sot, Dhoma Kombëtare e Avokatisë mbajti një mbledhje të jashtëzakonshme, ku mori këtë vendim.
Avokati i Sali Berishës u dhunua, mëngjesin e së mërkurës së 29 majit, rreth orës 08:50, në zonën e ish-Bllokut në Tiranë. Ai u dërgua me urgjencë në spital, në gjendje të rënduar. Një nga autorët e sulmit ndaj tij u vetëdorëzua, ndërsa u shpallën në kërkim 3 të tjerët.
Dy ditë më parë, gjykata e Tiranës la në burg Dritan Nanon, i cili u arrestua si organizator i dhunës ndaj avokatit Sokol Mëngjesi, si edhe Dorian Alian, një nga agresorët e sulmit ndaj avokatit.
Edhe për 3 agresorët e tjerë që janë në kërkim nga policia, Drivaldo Alia, Elton Kasaj dhe Romario Tabaku, është caktuar masa "arrest me burg" në mungesë. (A2 Televizion)
A2 CNN Livestream
MUND TE LEXONI GJITHASHTU
