Një vajzë adoleshente është hedhur nga kati i 2 i gjimnazit “Vasil Kamami” në Elbasan. Burime për A2 CNN bëjnë me dije se nxënësja është jashtë rrezikut për jetën, ndërsa nuk dihen arsyet që e çan të ndërmarrë këtë veprim. Policia ka marrë në pyetje shokët e klasës, ndërsa mësohet nga kamerat e sigurisë në shkollë se së bashku me të ka qenë edhe një shoqe e saj e cila nuk e ka penguar.
Burime konfidenciale bëjnë me dije se vajza është nga Lushnja dhe qëndronte në një nga qendrat e kujdesit në Elbasan, pasi sipas burimeve vajza është shfrytëzuar nga i ati. Në Elbasan i kanë ndërruar shkollën, dhe qasja në shkollën e re ka sjellë edhe më shumë rëndesë psikike për të.
Sipas burimeve nga hetimi paraprak mendohet se shkak mund të jetë gjendje e rënduar psikologjike dhe rebelimi i nxënëses. Deri tani, vajza nuk ka dhënë dëshmi. (A2 Televizion)
A2 CNN Livestream
MUND TE LEXONI GJITHASHTU
