Një automjet ka përfunduar në kanal mbrëmjen e të shtunës në aksin Fier-Seman, në vendin e quajtur “Ura e Baçinozit”, duke regjistruar kështu aksidentin e tretë gjatë kësaj dite në këtë zonë.
Në vendngjarje ka mbërritur menjëherë ambulanca dhe policia, ndërsa sipas informacioneve paraprake të siguruara nga A2 CNN mësohet se drejtuesi i automjetit është plagosur dhe është dërguar me urgjencë drejt Spitalit Rajonal të Fierit.
Më herët dy makina u përplasën me njëra-tjetrën në aksin Fier-Patos, në vendin e quajtur “Kthesa e Portezës”. Të dy ja makinat gjithashtu përfunduan në kanalin anës rrugës.
Edhe në aksin Fier-Seman, në vendin e quajtur Fermë Çlirim u regjistrua një aksident të shtunën pasdite, ku u përfshinë 3 mjete. Si pasojë e përplasjes mbetën të lënduar katër persona, të cilët gjithashtu u dërguan me dy autoambulanca në Spitalin Rajonal të Fierit. (A2 Televizion)
A2 CNN Livestream
MUND TE LEXONI GJITHASHTU
