Në një prej rasteve të vjedhjeve të regjistruara gjatë natës së 9 korrikut në lagjen nr. 18 në Durrës, A2 CNN ka siguruar pamjet e kamerave të sigurisë.
Në video shihet një person i veshur me bluzë të zezë, pantallona të shkurtra dhe kapele sportive, i cili afrohet pranë një automjeti të parkuar. Pasi konstaton se makina është e hapur, ai futet brenda dhe për rreth pesë minuta kontrollon pjesën e brendshme të saj.
Më pas, personi largohet nga dera e pasme e automjetit, duke mbajtur në dorë një qese të bardhë. Sipas burimeve mësohet se janë vjedhur rreth një kilogram tartufë dhe një palë syze.
Ngjarja vijon të mbetet e pazbardhur, ndërsa autori ende nuk është identifikuar nga policia. (A2 Televizion)
A2 CNN Livestream
MUND TE LEXONI GJITHASHTU
