Një ditë pasi Prokuroria e Tiranës vuri nën sekuestro dy shoqëri tregtare të mikro-kredive, MCA dhe FINAL, të cilat funksionin si skema mashtrimi me pasojë zhvatjen e parave e pasurive të qindra qytetarëve, njëri prej të akuzuarve për çështjen ka kryer vetëvrasje.
Mësohet se 45-vjeçari Olsi Ibro është vetëhedhur nga një pallat në rrugën ‘Ramazan Shijaku’, pranë stacionit të Trenit në Tiranë duke gjetur vdekjen e menjëhershme.
“Më datë 20.07.2024, në rrugën "Ramazan Shijaku", dyshohet se është vetëhedhur nga lartësia e një pallati në ndërtim e sipër, shtetasi O. I., 45 vjeç, i cili si pasojë e dëmtimeve të marra, ka ndërruar jetë në vendngjarje”, njofton policia.
E përfshirë në skemën e mashtrimit me mikroreditë është edhe bashkëshortja e 45-vjeçarit të ndjerë, Elsa Ibro, për të cilën gjykata ka caktuar masën e sigurisë "arrest në shtëpi". (A2 Televizion)
A2 CNN Livestream
MUND TE LEXONI GJITHASHTU
