Policia e Lushnjës ka parandaluar një ngjarje të rëndë kriminale në familje. Një 44-vjeçar u arrestua nga policia, pasi kanosi me armë zjarri bashkëshorten e tij. Sipas policisë kjo ndodhi në prani të fëmijëve të tyre të mitur.
Njoftimi i Policisë Lushnje
Kanosi bashkëshorten e tij, me armë zjarri, Policia kap dhe vë në pranga 44-vjeçarin.
Sekuestrohet arma e zjarrit pistoletë.
Shërbimet e Komisariatit të Policisë Lushnjë, pas njoftimit të marrë se një shtetas kanoste bashkëshorten, me armë zjarri, menjëherë kanë ndërhyrë për të parandaluar ngjarjen e mundshme kriminale. Në përfundim të veprimeve për këtë rast u vu në pranga shtetasi:
-B. H., 44 vjeç, banues në Lushnjë.
Ky shtetas dyshohet se ka kanosur me armë zjarri, bashkëshorten e tij, në prani të fëmijës së tyre të mitur. Arma e zjarrit tip pistoletë u sekuestrua në cilësinë e provës materiale.
Materialet procedurale i kaluan Prokurorisë, për veprime të mëtejshme. (A2 Televizion)
A2 CNN Livestream
MUND TE LEXONI GJITHASHTU
