Seanca paraprake ndaj Ilir Metës dhe Monika Kryemadhit në Gjykatën e Posaçme u ndërpre pak minuta pas nisjes për shkak të mungesës së avokatit të Kryemadhit. Para ndërprerjes, SPAK paraqiti një provë të re nga SHBA lidhur me pagesat për kontratën e lobimit të LSI-së në vitin 2017, çka shkaktoi debat të fortë mes palëve.
Vajtja në kohë e Monika Kryemadhit në gjykatë, ku do të niste shqyrtimi paraprak i dosjes penale të SPAK ndaj saj e ish-presidentit të Republikës, Ilir Meta, nuk e shpëtoi seancën e së martës në Gjykatën e Posaçme.
Gjyqtarja paraprake Irena Gjoka ndërpreu seancën pakminuta pas nisjes për shkak të mungesës në sallë të avokatit të të pandehurës Kryemadhi. Por më herët, një provë e re e prezantuar nga SPAK ngjalli debat të fortë mes palëve. Prokurorët relatuan se bëhej fjalë për përgjigjen e një letër-porosie të dërguar në SHBA në lidhje me pagesat e kryera për kontratën e lobimit të Lëvizjes Socialiste për Integrim të vitit 2017.
Avokatët në proces kundërshtuan me forcë administrimin e shkresës si provë, në një kohë që hetimi i çështjes është përmbyllur në muajin korrik.
Ndërsa për Monika Kryemadhin, kjo situatë kishte vetëm një qëllim.
Seanca e radhës në ngarkim të ish-bashkëshortëve Meta-Kryemadhi, të akuzuar për “korrupsion”, “pastrim të parave” dhe “fshehje të pasurisë” dhe ndaj tre të bashkëpandehurve të tyre do të zhvillohet më 11 nëntor. (A2 Televizion)
A2 CNN Livestream
MUND TE LEXONI GJITHASHTU
