Dy persona janë transportuar në spitalin e Lushnjes me lëndime, pasi një mjet tip Volkswagen ka dalë nga rruga në autostradën Lushnje-Fier.
Ngjarja ka ndodhur në afërsi të fshatit Lumth, ku mjeti, i drejtuar nga një 30-vjeçare, ka dalë nga rruga dhe ka përfunduar mbi kanalin e betonit, shkruan A2 CNN.
Si rezultat i përplasjes, ka mbetur e plagosur drejtuesja e mjetit dhe një tjetër bashkudhëtar i saj. Të dyja janë marrë me ambulancë dhe po mjekohen në spitalin e Lushnjes.
Policia në vendngjarje po punon për zbardhjen e shkaqeve, ndërkohë që nga të dhënat paraprake dyshohet se drejtuesja e mjetit ka humbur kontrollin si rezultat i shpejtësisë së lartë. (A2 Televizion)
A2 CNN Livestream
MUND TE LEXONI GJITHASHTU
