Në fshatin Zagorë të Malësisë së Madhe, u arrestua një 22 vjeçar nën akuzën për vjedhjen e dy automjeteve dhe u arrestuan dy xhaxhallarët e tij per armëmbajtje pa leje dhe për posedim narkotikësh.
22 vjecari me inicialet M. Gj., u kap në flagrancë dje nga policia lokale duke drejtuar automjetin tip “Volkswagen” në fshatin Zagorë, të cilin dyshohet se e ka vjedhur më datë 15.03.2026, në fshatin Selcë. Ai gjithashtu dyshohet për vjedhjen e një tjetër automjeti vitin e kaluar, po në fshatin Selcë.
Shtetasit me inicialet B. Gj., 39 vjeç, dhe E. Gj., 35 vjeç, të dy banues në fshatin Zagorë, gjatë kontrollit në banesë, shërbimet e Policisë iu gjetën 2 armë gjahu (çifte) që i mbanin pa leje dhe 1 kg e 150 gramë cannabis sativa.
Njoftimi i plotë i Policisë, Malësi e Madhe:
Zbardhen 2 raste të vjedhjes së automjeteve, në fshatin Selcë, vihet në pranga 22-vjeçari.
Ai u kap në flagrancë duke drejtuar automjetin që e kishte vjedhur 2 ditë më parë.
Posedonin 1 kg e 150 gramë kanabis dhe 2 armë gjahu, në banesë, vihen në pranga 2 shtetas (xhaxhallarët e 22-vjeçarit).
Sekuestrohen 2 automjetet e vjedhura, 2 armët e gjahut dhe lënda narkotike.
Si rezultat i punës së pandërprerë hetimore për parandalimin dhe zbardhjen e rasteve të vjedhjes dhe të veprimtarive të tjera kriminale, si dhe për kapjen e autorëve të tyre, specialistët e Seksionit për Hetimin e Krimeve të Komisariatit të Policisë Malësi e Madhe kanë arrestuar shtetasit:
-M. Gj., 22 vjeç, banues në fshatin Zagorë. Ky shtetas u kap në flagrancë dje, duke drejtuar automjetin tip “Volkswagen”, të cilin dyshohet se e ka vjedhur më datë 15.03.2026, në fshatin Selcë. Nga hetimet dyshohet se ky shtetas ka vjedhur një tjetër automjet, në fshatin Selcë, më datë 03.08.2025, i cili u gjet i parkuar përpara banesës së tij.
-B. Gj., 39 vjeç, dhe E. Gj., 35 vjeç, të dy banues në fshatin Zagorë, pasi gjatë kontrollit në banesë, shërbimet e Policisë iu gjetën 2 armë gjahu (çifte) që i mbanin pa leje dhe 1 kg e 150 gramë lëndë të dyshuar cannabis sativa.
Vijojnë hetimet për dokumentimin e veprimtarive kriminale të këtyre shtetasve.
Materialet procedurale iu referuan Prokurorisë së Shkodrës, për veprime të mëtejshme. (A2 Televizion)
A2 CNN Livestream
MUND TE LEXONI GJITHASHTU
