
Të paktën 20 protestues janë shoqëruar në komisariat nga policia menjëherë pas mbylljes së protestës së të martës, e cila nisi te kryeministria dhe u mbyll te parlamenti.
Ndërkohë, në një video të siguruar nga gazetarët e A2 CNN shihet teksa një prej protestuesve shoqërohet duke u zvarritur nga efektivët e policisë.
A2 CNN ka mësuar se janë lënduar 14 efektivë policie, të cilët kanë marrë ndihmën e nevojshme në spital. I lënduar ka mbetur edhe deputeti demokrat Nallbati, i cili ka djegie në fytyrë dhe një hematomë në kokë.
(A2 Televizion)