Burime nga Policia bëjnë me dije se Drejtoria Vendore e Policisë Korçë, Renea, FNSh, Shqiponjat, dhe Forca e Posaçme Operacionale janë duke zhvilluar operacion masiv në Pogradec.
Operacioni po zhvillohet për drogë, armë e kapje të personave në kërkim, shkruan A2.
Deri në këto momente janë zhvilluar dhjetra kontrolle. Burimet bëjnë me dije se janë sekuestruar armë zjarri, armë gjahu e armë të ftohta, shuma parash e lëndë narkotike.
RENEA ka rrethuar banesën të kërkuarit Erjon Llapushi, dhe po ushtron kontroll të imtësishëm në brendësi të banesës së tij.
Mësohet nga burime policore se si pasojë e operacionit të zhvilluar nga Drejtoria Vendore e Policisë Korçë, RENEA, FNSH, Shqiponjat, dhe Forca e Posaçme Operacionale, deri tani janë shoqëruar mbi 14 persona.
Ndërkohë, krahas armëve lëndës narkotike, janë sekuestruar vlera të mëdha monetare dhe mbi 100 mije euro "cash". (A2 Televizion)
A2 CNN Livestream
MUND TE LEXONI GJITHASHTU
