Sandër Simoni është zgjedhur këtë të premte anëtar i Këshillit të Lartë Gjyqësor (KLGJ), pas procesit të votimit për zgjedhjen e tre anëtarëve të rinj të Këshillit.
Pas numërimit të votave të kandidatëve nga Gjykata e Lartë, rezultati ishte i barabartë. Sandër Simoni dhe Arbena Ahmeti morën nga 179 vota secili.
Për shkak të barazimit, procedura vijoi me hedhjen e shortit, sipas rregullores. Pas shortit me gogla, fitues u shpall gjyqtari Sandër Simoni, duke siguruar kështu anëtarësimin në KLGJ.
Ndërkohë, në garën për anëtar të KLGJ-së nga gjyqtarët e shkallës së parë, Fatri Islamaj mori 190 vota, ndërsa Igerta Hysi 171 vota. Si rrjedhojë, Fatri Islamaj u zgjodh anëtar i KLGJ-së.
Procesi i votimit vijon për përzgjedhjen e anëtarit të tretë të Këshillit të Lartë Gjyqësor. (A2 Televizion)
A2 CNN Livestream
MUND TE LEXONI GJITHASHTU
