Policia ka sqaruar ngjarjen e ndodhur pasditen e së dielës në Gramsh, ku një makinë ka shpërthyer në ecje, duke lënë të plagosur dy vëllezër që ndodheshin në të.
“Për sqarimin dhe dokumentimin e këtij rasti u ngrit një grup i posaçëm hetimor dhe në vendngjarje shkoi edhe njësia antieksploziv e Repartit Special Renea, për të kryer ekzaminime të mekanizmit e rrethaneve që kishin ndikuar në shpërthimin e ndodhur në automjet. Në përfundim të veprimeve të para, rezultoi se nuk ka pasur shpërthim nga jashtë të automjetit (pra nuk kemi të bëjmë me lëndë eksplozive) por dyshohet se drejtuesi i automjetit ka pasur në kroskotin e automjetit lëndë plasëse të dyshuar Amonit Malor, me fuqi të ulët veprimi, lëndë e cila dyshohet se ka shpërthyer për shkak të nxehtësisë. Nga tërësia e veprimeve të kryera rezulton se kemi të bëjmë me një ngjarje aksidentale dhe nuk ka asnjë indicje për veprim kriminal ndaj të dëmtuarëve”, lexohet në njoftimin e policisë.
(A2 Televizion)
A2 CNN Livestream
MUND TE LEXONI GJITHASHTU
