Shpërthimi në banesën e 33-vjeçarit në Patos, pista kryesore e hetimit dyshohet hakmarrja

Nga A2 CNN
16 Nëntor 2026, 10:56 | Kronikë

Shpërthimi në banesën e 33-vjeçarit në Patos, pista

Detaje të reja janë mësuar në lidhje me shpërthimin e dyshuar me lëndë plasëse të ndodhur rreth orës 04:30 të mëngjesit në Patos, ku është dëmtuar porta rrethuese e banesës së një 33-vjeçari.

Sipas burimeve policore, ka qenë vetë 33-vjeçari që ka njoftuar sallën operative për dëmtimin. Ai ndodhet aktualisht në masën e sigurisë “Arrest në shtëpi”, pasi akuzohet për veprën penale “Goditja për shkak të detyrës”, pas goditjes së një punonjësi të policisë së burgjeve.

Shpërthimi në banesën e 33-vjeçarit në Patos, pista

Ndërkohë, një tjetër pistë që po shqyrtohet nga hetuesit është ajo e hakmarrjes. Sipas burimeve, 33-vjeçari dyshohet se ka qenë autor i një vrasjeje të ndodhur në vitin 2010, kur ishte vetëm 17 vjeç.

Grupi hetimor ka kryer veprimet e para në vendngjarje dhe po punon për identifikimin dhe kapjen e autorëve, si dhe për zbardhjen e plotë të rrethanave. (A2 Televizion)

A2 CNN Livestream

Latest Videos