Është gjetur nga polombarët e RENEA-s trupi i një 21-vjeçari që dyshohet se është mbytur mbrëmjen e djeshme në një kanal me ujë në fshatin Çukas i Ri të Lushnjës.
Polombarët kanë ndërhyrë paraditen e sotme pas denoncimit të bërë në Komisariat për zhdukjen e të riut nga ana e një të afërmi të familjes. Ata kanë bërë të mundur gjetjen dhe nxjerrjen e trupit të pajetë të 21-vjeçarit, i cili dyshohet të jetë vetëmbytur në kanalin vaditës.
“Pas kallëzimit të bërë mbrëmjen e djeshme, në Komisariatin e Policisë Lushnjë, nga shtetasi A. C., 37 vjeç, banues në fshatin Barbullinjë, Lushnjë, se prej disa orësh kishin humbur kontaktet me djalin e xhaxhait, shtetasin M. C., 21 vjeç, banues në fshatin Barbullinjë, i cili vuante nga epilepsia, menjëherë kanë vijuar kërkimet për gjetjen e tij.”
Grupi hetimor po punon për sqarimin dhe dokumentimin e plotë ligjor të rrethanave të këtij rasti. (A2 Televizion)
A2 CNN Livestream
MUND TE LEXONI GJITHASHTU
