Autori i dyshuar i vrasjes së Briken Sanajt në vitin 2022 te Kodra e Diellit në Tiranë është ekstraduar nga Gjermania këtë të enjte në Rinas.
Policia bën të ditur se Vladimir (Valmir) Kolaj dyshohet se më datë 30.10.2022, në kompleksin "Kodra e Diellit", në bashkëpunim me shtetas të tjerë, ka vrarë me armë zjarri Briken Sanajn, shkruan A2 CNN.
“I akuzuar për vrasje me paramendim, në vitin 2022, ekstradohet nga Gjermania, 42-vjeçari i shpallur në kërkim ndërkombëtar.
42-vjeçari u arrestua në Gjermani, në muajin prill 2024, gjatë operacionit të koduar “Versus”, i finalizuar si rezultat i shkëmbimit të informacioneve mes Policisë së Shtetit dhe homologëve gjermanë.
Në kuadër të bashkëpunimit të Interpol Tiranës, me Interpol Ëiesbaden, për lokalizimin, kapjen dhe ekstradimin e shtetasve të shpallur në kërkim ndërkombëtar, është ekstraduar nga Gjermania në Shqipëri, shtetasi:
V. K. alias V. K., 42 vjeç.
Gjykata e Shkallës së Parë e Juridiksionit të Përgjithshëm Tiranë, me vendimin e datës 23.11.2022, i ka caktuar këtij shtetasi, masën e sigurisë “Arrest në burg”, për veprat penale "Vrasja me paramendim" dhe "Prodhimi dhe mbajtja pa leje e armeve, armëve shpërthyese dhe municionit".
Ky shtetas dyshohet se më datë 30.10.2022, në kompleksin "Kodra e Diellit", në bashkëpunim me shtetas të tjerë, ka vrarë me armë zjarri shtetasin B. S”, njofton policia. (A2 Televizion)
A2 CNN Livestream
MUND TE LEXONI GJITHASHTU
