Drejtoria e Përgjithshme e Arkivave, në bashkëpunim me Agjencinë Kombëtare të Arkivave të Kosovës dhe Universitetin “Ukshin Hoti”, kanë zhvilluar në Prizren Konferencën e X-të Mbarëkombëtare të Arkivistikës. Në punimet e këtij edicioni morën pjesë Drejtori i ri i Arkivave, Auron Rrokaj, ndonëse nuk mungoi edhe Bido, që la detyrën për mandatin e deputetit.
Për të dhjetin vit radhazi arkivistët shqiptarë bëhen bashkë për të lëvruar përmes kumtesave edhe zhvillimin e shërbimit arkivor, aksesin në të dhëna, mbrojtjen e të dhënave personale, bashkëpunimin rajonal në fushën e arkivave, ruajtjen e trashëgimisë kulturore apo edhe trafikun ilegal të trashëgimisë dokumentare.
Ky bashkëpunim i përvitshëm kurorëzohet me botimin e revistës “Arkivat Shqiptare”, e cila botohet në trojet shqiptare prej 61 vjetësh.
Edicionet e mëparshme të kësaj konference janë mbajtur në Tiranë, në Prishtinë, në Shkup, në Sarandë, në Tuz, në Boletin, në Manastir, në Elbasan dhe në Kalabri. (A2 Televizion)
A2 CNN Livestream
MUND TE LEXONI GJITHASHTU
